"Атлетико" мухлислари Роналдунинг ўтишига қарши: "Биз ахлат йиғиладиган жой эмасмиз"

"Матрасчилар" мухлислари Twitter'да буни #ContraCR7 (CR7Qarshi) хэштеги орқали кўрсатишмоқда. Шундай экан, мухлислар Роналду билан шартнома имзолашда ўзларининг норозиликларини билдиришмоқда ва клуб қарорига таъсир қилишмоқчи.

"Агар бу одам менинг "Атлетико"имга келса, мен икки обунамни бекор қиламан. Биз аҳлат йиғиладиган жой эмасмиз", — деб ёзди мухлислардан бири twitter'да.

"Бу нафақат "Атлетико" мухлисларига тегишли, балки ҳар бир клуб мухлислари Роналдуни рад этиши керак", — деб ёзди бошқа бир фойдаланувчи.

"Атлетико"чи бўлмаслик учун барча нарсани ифодалайдиган масхарабоз. У кийиниш хонаси, мухлислар ва қўли теккан барчасини вайрон қилади. Уни ҳатто спорт нуқтаи назаридан ҳам қўллаб-қувватлаб бўлмайди, унинг даражаси яққол тушиб кетган", — деб ёзди клуб мухлисларидан бири.

Эслатиб ўтамиз, Роналду 2009-2018 йилларда "Атлетико"нинг энг ашаддий рақиби бўлмиш "Реал"да ўйнаган.