16 май 07:59
Янгиликлар

Тадбирлар

Атлетлар комиссиясининг сайлови келаси йилга қолдирилди, номзодлар орасида Чусовитина ҳам бор

Коронавирус хавфи сабаб йирик спорт мусобақалари қатори мазкур соҳадаги катта сайловлар ҳам бир йилга қолдирилмоқда.

Хусусан, Токио Олимпиадаси арафасида Халқаро Олимпия қўмитаси (ХОҚ) Атлетлар комиссияси янги аъзолари учун сайлов бўлиб ўтиши ҳам режалаштирилган эди.

Бироқ ХОҚ Ижроия қўмитаси мазкур сайловни келаси йилга қолдирди. Илгари сайловни онлайн тарзда ўтказиш масаласи ҳам кўрилган бўлса-да, якунда барчаси бошқача хотима топди.

ХОҚ Атлетлар комиссияси 6 йил муддатга бир нечта жаҳон спорти афсоналаридан ташкил топган кичик гуруҳ бўлиб, унинг вазифаси ХОҚ ва жамоатчилик олдида спортчилар манфаатини ҳимоя қилишдан иборат бўлади.

Эслатиб ўтамиз, янги сайлов учун кўрсатилган номзодлар орасида ўзбекистонлик гимнастикачи Оксана Чусовитинанинг ҳам номи келтириб ўтилган.