13 ноя 15:34
Янгиликлар

Теннис

ATP Finals. Медведев кетма-кет 4 та мағлубиятдан кейин ғалаба қозонди

Дунёнинг тўртинчи ракеткаси Даниил Медведев Туринда давом этаётган ATP Якуний турнирининг гуруҳ босқич илк учрашувида мағлубиятга учраган эди.

Россиялик теннисчи иккинчи турда ATP рейтингида 9-ўринда бораётган австралиялик Алекс Де Минаурни ортиқча қийинчиликсиз мағлубиятга учратди - 6/2, 6/4. Медведев теннисчиларнинг ўзаро учрашувларида катта фарқ билан олдинда бормоқда - 7:3.

Етмиш саккиз дақиқа давом этган баҳсда Медведев 3, Де Минаур 1 та эйс зарбасини амалга оширган. Қўшхатолар ҳам худди шу кўринишда Даниил "фойдаси"га ҳал бўлди. Брейклар бўйича мутлақ устунлик рус теннисчиси томонида бўлди - 3 га 0! Медведев қаторасига тўртта мағлубиятдан сўнг ғалаба қозонди. Энди у гуруҳнинг сўнгги ҳал қилувчи учрашувида дунёнинг биринчи ракеткаси Янник Синнерга қарши кортга чиқади.