ATP рейтинги. Чемпион Синнер 3430 очколик фарқ билан пешқадам, теннисчимиз 94 поғона юқорилади

Янгиланган рейтингдан 7 нафар теннисчимиз жой олган. Раҳимбек Иброҳимов рейтингдан чиқарилди. Мамлакатимизнинг биринчи ракеткаси Ҳумоюн Султонов 19, иккинчи рақамли теннисчимиз Сергей Фомин эса 30 поғонага пастлаган. Учинчи ракеткамиз Максим Шин эса аксинча, 3 поғонага юқорилаб, Топ-1000`таликка кириб олди. Энг катта ўсишга Амир Милушев эришган. У 94 ўринга ўз позициясини яхшилаб олди. 

Дунё теннисчиларининг Топ-10`талигида бир нечта ўзгариш кузатилди. Уимблдон турнири чемпиони Янник Синнер пешқадамлигини мустаҳкамлаб олди. У Уимблдон вице-чемпиони Карлос Алькараздан 3430 очкога илгарилаб кетди. Россиялик Андрей Рублёв яна Топ-10`га қайтди. Лондондаги турнирда ярим финалга қадар етиб келган Тейлор Фриц бир ўринга юқорилади. 

ATP рейтинги. 14 июль ҳолатига кўра Топ-10:

1. (1) Янник Синнер (Италия) - 12030 очко (+1600)

2. (2) Карлос Алькарас (Испания) - 8600 (-700)

3. (3) Александр Зверев (Германия) - 6310 (-190)

4. (5) Тэйлор Фриц (АҚШ) - 5035 (+400)

5. (4) Жек Дрэйпер (Буюк Британия) - 4650 

6. (6) Новак Жокович (Сербия) - 4130 (-500)

7. (7) Лоренцо Музетти (Италия) - 3350 (-790)

8. (8) Хольгер Руне (Дания) - 3340 (-190)

9. (10) Бен Шелтон (АҚШ) - 3330 (+200)

10. (14) Андрей Рублёв (Россия) - 3110 (+190)...

Ўзбекистонлик теннисчиларнинг АТР рейтингидаги ўрни:

265 (246). Ҳумоюн Султонов - 211 (-20)   

472 (442). Сергей Фомин - 90 (-8) 

999 (1002). Максим Шин - 14 

1326Т (1420) Амир Милушев - 5 (+1) 

1771Т (1770Т). Ботир Сапаев - 1   

1869Т (1868Т) Абдулазиз Усмонжонов - 1

1966Т (1966Т). Дамир Абдусамадов - 1