ATP рейтинги. Султонов 104 поғона юқорилади, Истомин Топ-1000`таликни тарк этди

Унга кўра, Топ-10`талик рейтингида ҳеч қандай ўзгариш кузатилмади. Теннисчилар ўтган ҳафтадаги ўз ўринларини сақлаб қолишди. Карлос Алькараз ҳамон рейтинг пешқадами бўлиб турибди. Новак Жокович иккинчи ўринни банд этган бўлса, Даниил Медведев кучли учликка якун ясаган. Гамбург турнирида чемпион бўлган германиялик Александр Зверев 16-ўринга кўтарилиб олди.

Мамлакатимизнинг биринчи ракеткаси Ҳумоюн Султонов кеча Астанада якунланган "Челленжер 50" тоифасига кирувчи Президент Кубогидаги муваффақиятли иштироки сабаб 104 поғонага юқорилаб, 446-ўринга жойлашди. У Қозоғистондаги турнир вице-чемпиони бўлганди. 

Аксинча, тажрибали Денис Истомин 110 поғонага пастлаб, Топ-1000`талик рейтингдан чиқиб кетди. У энди 1039-поғонадан жой олган. Бутунжаҳон талабаларнинг Ёзги Универсиадасида иштирок этаётган иккинчи ракеткамиз Сергей Фомин эса 3 поғонага пастлаб, 669-ўринга жойлашди. Янгиланган рейтингда Санжар Файзиев 21, Азиз Дадабоев ва Раҳимбек Иброҳимов 7, Амир Милушев 92 поғона қуйига шўнғиди. 

АТР рейтинги. 31 июль кунги ҳолат. Топ-10: 

1. (1) Карлос Алькараз (Испания) - 9225 очко

2. (2) Новак Жокович (Сербия) - 8795 

3. (3) Даниил Медведев (Россия) - 6520

4. (4) Каспер Рууд (Норвегия) - 4985

5. (5) Стефанос Циципас (Греция) - 4850

6. (6) Хольгер Руне (Дания) - 4825

7. (7) Андрей Рублёв (Россия) - 4730

8. (8) Янник Синнер (Италия) - 3815

9. (9) Тэйлор Фритц (АҚШ) - 3515

10. (10) Фрэнсис Тиафо (АҚШ) - 3085

Ўзбекистонлик теннисчиларнинг АТР рейтингидаги ўрни:

446 (550). Ҳумоюн Султонов - 95

669 (666). Сергей Фомин - 43

1039 (929). Денис Истомин - 10

1371Т (1374Т). Максим Шин - 4

1545Т (1553Т). Мустафо Дўстов - 2

1545Т (1524Т). Санжар Файзиев - 2

1670Т (1663Т). Азиз Дадабоев - 1

1670Т (1663Т). Раҳимбек Иброҳимов - 1

1855Т (1763). Амир Милушев - 1.