ATP рейтинги. Султонов 21, Фомин 17, Шин 2 поғонага кўтарилди

Майса қопламали турнирлар натижасида рейтингда айрим ўзгаришлар содир бўлди. Лекин бу ўзгаришлар Топ-10 рейтингидаги теннисчиларнинг ўринларига таъсир ўтказмади. Теннис юлдузлари ўтган ҳафтадаги ўринларини сақлаб қолишди. Янник Синнер ҳамон дунёнинг биринчи ракеткаси мақомини ўзида сақлаб турибди. 

Истбурн турнирида бош совринни қўлга киритган америкалик Тэйлор Фритц Томми Полни ортда қолдириб, яна АҚШнинг биринчи ракеткасига айланиб олди. Мальорка турнири чемпиони Алехандро Табило Топ-20`да дебют қилди. Чемпионлик унвонини ҳимоя қила олмаган Кристофер Юбэнкс эса аксинча, 20 поғонага пастлади. 

Янгиланган рейтингда уч нафар теннисчимиз рейтингда ўсишга эришди. Биринчи ракеткамиз Ҳумоюн Султонов Бельгиядаги турнирда вице-чемпион бўлди. У қўлга киритилган 16 очко эвазига 21 поғонага юқорилаб, дунёнинг 309-ракеткаси бўлиб олди. Сергей Фомин 17, Максим Шин эса 2 поғонага юқорилади. Амир Милушев эса 4 ўринга пастлади.

ATP рейтинги. 1 июль ҳолатига кўра Топ-10:

1. (1) Янник Синнер (Италия) - 9890 очко

2. (2) Новак Жокович (Сербия) - 8360

3. (3) Карлос Алькараз (Испания) - 8130

4. (4) Александр Зверев (Германия) - 6905

5. (5) Даниил Медведев (Россия) - 6445

6. (6) Андрей Рублёв (Россия) - 4420

7. (7) Хуберт Гуркач (Польша) - 4235

8. (8) Каспер Рууд (Норвегия) - 4025

9. (9) Алекс Де Минаур (Австралия) - 3830

10. (10) Григор Димитров (Болгария) - 3750...

Ўзбекистонлик теннисчиларнинг АТР рейтингидаги ўрни:

309 (330). Ҳумоюн Султонов - 173 (+16) 

615. (632). Сергей Фомин - 55 (+2)

1156. (1158). Максим Шин - 8 

1694Т (1690T). Амир Милушев - 2