ATP рейтинги. Тошкентга келган Гуркач энди дунёнинг 8-ракеткаси, Ҳумоюн 37, Максим 184 поғонага кўтарилди

Дунё теннисчилари кучли ўнталигида бир нечта ўзгаришлар кузатилди. Дэвис Кубогида иштирок этиш учун Тошкентга етиб келган польшалик Хуберт Гуркач бир поғонага юқорилаб, дунёнинг 8-ракеткасига айланиб олди. Америкалик Тэйлор Фритц 12-поғонадан 9-ўринга юқорилади. Новак Жокович ҳамон катта фарқ билан рейтингда пешқадамлик қиляпти. 

Мамлакатимизнинг биринчи ракеткаси Ҳумоюн Султонов Доҳадаги икки турнирда муваффақиятли иштирок этгани боис, 37 поғонага юқорилаб, 330-ўринни эгаллаб турибди. Унга 24 балл қўшилиб, очколари 156 тага етди. Сергей Фомин 3, Максим Шин 184 поғонага кўтарилди. Шин энди Ўзбекистоннинг учинчи ракеткаси. Денис Истомин ва Санжар Файзиев ўз ўрнини сақлаб қолди. Амир Милушев эса 5 поғонага пастлади. 

ATP рейтинги. 30 январь ҳолатига кўра Топ-10:

1. (1) Новак Жокович (Сербия) - 9855 очко

2. (2) Карлос Алькараз (Испания) - 9255 

3. (3) Даниил Медведев (Россия) - 8765

4. (4) Янник Синнер (Италия) - 8310

5. (5) Андрей Рублёв (Россия) - 5050

6. (6) Александр Зверев (Германия) - 5030

7. (8) Хольгер Руне (Дания) - 3685

8. (9) Хуберт Гуркач (Польша) - 3540

9. (12) Тэйлор Фритц (АҚШ) - 3195

10. (7) Стефанос Циципас (Греция) - 3025

Ўзбекистонлик теннисчиларнинг АТР рейтингидаги ўрни:

330 (367). Ҳумоюн Султонов - 156

665. (668). Сергей Фомин - 47

1469Т (1653Т). Максим Шин - 3

1491Т (1491T). Денис Истомин - 2

1763T (1763T). Санжар Файзиев - 1

1981Т (1976T). Амир Милушев - 1