ATP рейтинги янгиланди. Фақат Шин кўтарилди, Султонов ўз ўрнида

Дунё теннисчиларининг Топ-10`талигида ҳеч қандай ўзгариш кузатилмади. Теннис юлдузлари ўтган ҳафтадаги ўз ўринларини сақлаб қолишди. Фақат ҳафта давомида ўтказилган ATP турнирларида муваффақиятли иштирок этган ракетка усталаригина ўз ўринларини яхшилаб олишди. Вена турнири чемпиони британиялик Жек Дрэйпер уч, Базель турнири ғолиби америкалик Бен Шелтон тўрт поғонага юқорилади. Италиялик Янник Синнер жуда катта фарқ билан рейтинг пешқадамилигини давом эттирмоқда. 

Янгиланган рейтингда фақат бир теннисчимиз ўз ўрнини яхшилаб олди. Максим Шин ўтган ҳафта билан таққослаганда беш поғонага кўтарилди. Шарм Эл-Шейхдаги турнирда ярим финалга қадар етиб борган биринчи ракеткамиз Ҳумоюн Султонов ўз ўрнида ўзгаришсиз қолди. Унинг Миср турниридаги очколари келаси ҳафта рейтинги учун ҳисобланади. Сергей Фомин 6, Раҳимбек Иброҳимов 3, Амир Милушев эса 15 поғонага пастлади.  

ATP рейтинги. 28 октябрь ҳолатига кўра Топ-10:

1. (1) Янник Синнер (Италия) - 11420 очко

2. (2) Карлос Алькараз (Испания) - 7120

3. (3) Александр Зверев (Германия) - 6805

4. (4) Новак Жокович (Сербия) - 6210

5. (5) Даниил Медведев (Россия) - 5230

6. (6) Тэйлор Фритц (АҚШ) - 4335

7. (7) Андрей Рублёв (Россия) - 4070

8. (8) Каспер Рууд (Норвегия) - 3855

9. (9) Григор Димитров (Болгария) - 3740

10. (10) Алекс Де Минаур (Австралия) - 3725...

Ўзбекистонлик теннисчиларнинг АТР рейтингидаги ўрни:

232 (232). Ҳумоюн Султонов - 243 

532. (526). Сергей Фомин - 71 

1104. (1109). Максим Шин - 10 

1538Т (1523T). Амир Милушев - 3 

1994Т (1991T). Раҳимбек Иброҳимов - 1