13 ноя 08:02
Янгиликлар

Теннис

ATP Якуний турнир. Тим Федерердан кейин Жоковични ҳам мағлуб этди ва 1/2 финалга йўл олди

Буюк Британиянинг Лондон шаҳрида теннис бўйича йилнинг Якуний ATP чемпионати давом этмоқда.

Турнирда яккалик ва жуфтлик рейтингида кучли саккизталикдан жой олган ракетка усталари ўзаро бош соврин учун кортга чиқишяпти. “O2 Arena”да ўтаётган турнирнинг гуруҳ босқич иккинчи тур учрашувида яна кутилмаган натижа қайд этилди.

Бириичи турда Рожер Федерерни мағлуб австриялик Доминик Тим кеча дунёнинг иккинчи ракеткаси, сербиялик Новак Жоковичдан ҳам устун келди. Бешинчи ракетка 2 соату 47 дақиқа давом этган баҳсда номдор рақибидан 6/7(5), 6/3, 7/6(5) ҳисобида устун келди.

Учрашув давомида 26 ёшли Доминик 6, 32 яшар Новак эса 9 та эйс зарбасини амалга оширди. Жокович ўзаро учрашувларда ҳамон етакчи бўлиб қолмоқда - 6:4. Кетма-кет иккита ғалабага эришган Доминик Тим муддатидан аввал ярим финалга йўл олди.