17 ноя 09:08
Янгиликлар
Теннис
ATP Якуний турнири. Федерер гуруҳнинг учинчи баҳсида ҳам зафар қучди
Хабар берганимиздек, Англиянинг Лондон шаҳрида ўтказилаётган теннис бўйича ATP Якуний турнири ўзининг ҳал қилувчи палласига кириб боряпти.
Лондондаги “O2 Arena” корти мезбонлик қилаётган ва соврин жамғармаси 7 миллион долларни ташкил қилувчи ушбу турнирда Рожер Федерернинг бош мукофот учун асосий даъвогар эканлиги ойдинлашиб қолди.
Дунёнинг иккинчи ракеткаси кетма-кет учинчи
учрашувида ҳам ғалабага эришди. Швейцариялик теннис юлдузи 1 соату 54 дақиқа
давом этган баҳсда дунёнинг бешинчи ракеткаси ҳисобланган хорватиялик Марин
Чилични 6:7(5), 6:4, 6:1 ҳисобида мағлуб этди.
Гуруҳ босқичида учта ғалабага эришган Рожер Федерер
биринчи ўрин эгаси сифатида ярим финал йўлланмасини қўлга киритди. Чилич эса
уччала учрашувда ҳам мағлубият аламини тотиб кўрди.
Ҳавола :
Фикрлар