03 дек 18:15
Янгиликлар

Теннис

ATP "Йил сакраши"да ғолибни эълон қилди

Профессионал теннисчилар Ассоциацияси (ATP) 2022 йилги теннис мавсуми сарҳисобини қилишда давом этмоқда.

Бу сафар рейтингда энг катта сакрашни амалга оширган теннисчилар учлиги эълон қилинди. Биринчи ўрин Франциско Черундолога насиб этди. Аргентиналик теннис устаси йилни 127-поғонада бошлаб, 30-ўрин билан якунлади.

Даниялик Хольгер Руне (103-поғонада бошлаб, 11-ўринда тугатди) ва австралиялик Ник Киргиос (93-поғонада бошлаб, 22-ўринда якунлаган) Топ-3 теннисчилар қаторида жой олишди. Топ-5 рўйхатни Борна Чорич (73-поғонада бошлаб, 26-ўринда тугатган) ва сербиялик Миомир Кечманович (69-поғонада бошлаб, 29-ўринда якунлаган) якунлаб берган.