АТР рейтинги. Биринчи ракеткамиз юқорилади, 3 нафар теннисчимизда кучли "шўнғиш"

Ўтган ҳафта билан таққослаганда, рейтингнинг Топ-10 лигида бир нечта ўзгариш кузатилди. Даниялик Хольгер Руне ўз ўрнини 1 поғонага яхшилаб, кучли бешликка киришга муваффақ бўлди. Торонто "Мастерс" турнири ғолиби италиялик Янник Синнер ҳам 2 поғона юқорилаб, 6-ўринга жойлашди. Рейтингни ҳамон 20 ёшли Карлос Алькараз бошқариб боряпти. Иккинчи ўринни сербиялик Новак Жокович эгаллаб турган бўлса, учинчи поғонадан россиялик Даниил Медведев жой олган. 

Мамлакатимизнинг биринчи ракеткаси Ҳумоюн Султонов янгиланган ҳафталик рейтингда ажойиб юқорилашга эришди. У ўтган ҳафтадаги ўрнидан 18 поғона юқорига кўтарилди. Шунингдек, яна бир юқорилаш тажрибали теннисчимиз Денис Истоминда кузатилди. Ў ўз ўрнини 3 поғонага яхшилаб олган. Рейтингдан ўрин олган қолган барча теннисчимизда пасайиш кузатилганини кўришимиз мумкин. Сергей Фомин 14, Санжар Файзиев 7 поғона пастлаган. Рейтингда кучли пасайиш 3 нафар теннисчимизда кузатилди. Максим Шин 118, Мустафо Дўстов 211, Амир Милушев 56 ўрин пастга "шўнғиди". 

ATP рейтинги. 14. 08. 2023 ҳолатига кўра Топ-10:

1. (1) Карлос Алькараз (Испания) - 9395 очков

2. (2) Новак Жокович (Сербия) - 8795 

3. (3) Даниил Медведев (Россия) - 6530

4. (4) Стефанос Циципас (Греция) - 5090

5. (6) Хольгер Руне (Дания) - 4790

6. (8) Янник Синнер (Италия) - 4725

7. (5) Каспер Рууд (Норвегия) - 4715

8. (7) Андрей Рублёв (Россия) - 4595

9. (9) Тэйлор Фритц (АҚШ) - 3605

10. (10) Фрэнсис Тиафо (АҚШ) - 3050

Ўзбекистонлик теннисчиларнинг АТР рейтингидаги ўрни:

432. (450) Ҳумоюн Султонов - 95

681. (667) Сергей Фомин - 43

1037. (1040) Денис Истомин - 10

1482. (1364) Максим Шин - 4

1555. (1548) Санжар Файзиев - 2

1759. (1548) Мустафо Дўстов - 2

1915. (1859) Амир Милушев - 1