Australian Open. Амалдаги чемпионнинг юриши бошланди

Аёллар ўртасидаги баҳсларда амалдаги чемпиони Мэдисон Киз титул ҳимоясига киришди. Дунёнинг тўққизинчи ракеткаси бўлиб турган америкалик теннис маликаси илк даврада WTA рейтингида 92-поғонадан жой олган украиналик Александра Олейниковани 7/6(6), 6/1 ҳисобида мағлубиятга учратди. 

Бу теннисчиларнинг ўзаро ўтказган илк учрашуви бўлди. Бир юз икки дақиқа давом этган баҳсда Киз 2, Олейникова 1 та эйс зарбасини амалга оширган. Қўшхатолар Мэдисонда бир неча баробар кўп бўлди - 8 га 1. Брейклар бўйича ҳам табиийки, у устунлик қилди - 6 га 3. 

Энди амалдаги чемпион иккинчи босқич учрашувида ватандоши Эшлин Крюгерга қарши кортга чиқади. Америкалик теннисчи ўз ўрнида биринчи давра баҳсида чехиялик Сара Бейлекдан икки сетда ҳам бир хил ҳисобда устун келди - 6/3, 6/3.