24 янв 09:07
Янгиликлар

Теннис

Australian Open. Аралаш жуфтлик баҳсларида чемпионлар аниқланди

Мельбурн шаҳрида ўтказилаётган теннис бўйича "Катта Дубулға" туркумига кирувчи Австралия Очиқ чемпионати ўзининг ҳал қилувчи палласига кирди.

Мусобақанинг микст, яъни аралаш жуфтлик баҳсларида чемпионлар аниқланди. Ҳал қилувчи финалда австралияликлар Оливия Гадеки ва Жон Пирс ҳамюртлари Кимберли Биррелл ҳамда Жон-Патрик Смит ҳамкорлигини мағлубиятга учратишди - 3/6, 6/4, 10:6.

Аралаш жуфтликдаги Australian Open бош соврини Австралияда олиб қолинди. Гадеки фаолиятида илк бор "Катта Дубулға" турнирида соврин қўлга киритди. Пирс эса иккинчи шундай титулига эга чиқди. У US Open-2022 турнирида ҳам чемпион бўлганди. Чемпионлар 175 000, вице-чемпион Биррелл ва Смит эса 97 750 Австралия долларидан мукофот пулига эга бўлишди.