Australian Open. Чемпионликка даъвогарлардан бири сафдан чиқди

Жумладан, эркаклар ўртасидаги мусобақада дунёнинг учинчи ракеткаси Александр Зверев мағлубият аламини тотиб кўрди. Германиялик теннис устаси 1/8 финалда жаҳон рейтингида 14-ўринда бораётган канадалик Денис Шаповаловга 3/6, 6/7(5), 3/6 ҳисобида имкониятни бой бериб қўйди.

Саша 144 дақиқа давом этган баҳсда 3 та эйс, 2 та брейкни амалга ошириб, тўпни ўйинга киритишда 8 бор қўшхатога йўл қўйди. Денис эса 3 та эйс, 4 та брейк-пойнт, 11 та қўшхато қайд этди. Теннисчиларнинг ўзаро учрашувларида Зверев ҳамон олдинда бормоқда - 4:3. 

Денис Шаповалов Australian Open турнининг чорак финалида чемпионлик учун бош даъвогар испаниялик Рафаэль Надалга қарши кортга чиқади.