Australian Open. Жокович Рублёвни ишончли тарзда мағлуб этиб, 1/2 финалга йўл олди

"Катта Дубулға" туркумидаги турнирларнинг 21 карра ғолиби сербиялик Новак Жокович Австралия Очиқ чемпионатининг чорак финалида россиялик Андрей Рублёвни ишончли тарзда мағлубиятга учратди - 6/1, 6/2, 6/4.

Учрашув 2 соату 4 дақиқа давом этди. Ўйин давомида Жокович 14 та эйс зарбасини амалга оширди, 5 та қўшхато қайд этиб, 14 та брейк-пойнтнининг 5 тасидан унумли фойдаланди. Рублёв эса 6 та эйс ва 3 та қўшхато қайд этиб, 5 та брейкнинг бирортасидан фойдалана олмади.

Жоковичнинг Australian Open 1/2 финалидаги рақиби чорак финалда ҳамюрти Бен Шелтонни мағлуб этган америкалик Томми Пол бўлади.

Эслатиб ўтамиз, 16 январь куни старт олган Австралия Очиқ чемпионати 29 январгача давом этади. Турнирнинг умумий соврин жамғармаси 51 миллион долларни ташкил этади. Мусобақанинг амалдаги ғолиби испаниялик Рафаэль Надаль бўлиб, у турнирни иккинчи босқичдаёқ тарк этган эди.