24 янв 08:28
Янгиликлар

Теннис

Australian Open. Жоковичнинг 1/2 финалдаги рақиби аниқланди

Мельбурн шаҳрида теннис бўйича "Катта Дубулға" туркумига кирувчи Австралия Очиқ чемпионати давом этмоқда.

Australian Open 1/4 финалида дунёнинг тўртинчи ва бешинчи ракеткалари - италиялик Янник Синнер ҳамда россиялик Андрей Рублёв ўзаро тўқнаш келишди. Рублёв ушбу баҳсда рақибига 4/6, 6/7(5), 3/6 ҳисобида имкониятни бой бериб, мусобақадаги иштирокини якунлади.

Теннисчиларнинг ўзаро учрашувларида Янник олдинда бормоқда - 4:2. Икки соату 41 дақиқа давом этган баҳсда иккала теннисчи ҳам 10 тадан эйс зарбасини амалга оширган. Қўшхатолар италияликда кўпроқ бўлди - 3 га 2. Энди Синнер финал чиптаси учун дунёнинг биринчи ракеткаси Новаком Жоковичга қарши кортга чиқади.