Australian Open. Свитолинанинг юриши давом этади

Дунёнинг бешинчи рақамли теннис маликаси Элина Свитолина турнирнинг иккинчи даврасида ҳам ғалабага эришди. Украиналик теннисчи 1 соату 32 дақиқа давом этган баҳсда америкалик Лорен Дэвисдан устун келди - 6/2, 7/6(6).

Баҳс давомида 25 ёшли Элина 9, WTA рейтингининг 62-поғонасидан жой олиб турган 26 яшар Дэвис эса битта эйс зарбасини амалга оширган. Теннисчиларнинг ўзаро учрашувларида Свитолина фарқни йириклаштирди - 5:0. Энди Элина учинчи даврада испантиялик Гарбин Мугурусага қарши кортга чиқади.