Australian Open. Томми Пол илк бор 1/2 финалда ўйнайди

Эркаклар ўртасидаги яккалик баҳсларида дунёнинг 35-ракеткаси бўлиб турган Томми Пол фаолиятида илк бор "Улкан Тож" турнирлари ярим финалида ўйнайди. Америкалик теннисчи чорак финал учрашувида рейтингнинг 89-поғонасида бораётган ватандоши Бен Шелтонни тўрт сет натижасига кўра мағлубиятга учратди - 7/6(6), 6/3, 5/7, 6/4.

Бир юз саксон саккиз дақиқа давом этган баҳсда Шелтонга 24 та эйс зарбаси ҳам ёрдам бера олмади. Полда эйслар сони 7 тани ташкил этди. 25 ёшли Томми Australian Open турнири якунларига кўра Топ-20 рейтингида дебют қилади. Томми Пол 3-4 февраль кунлари Тошкентда Дэвис Кубоги доирасидаги Ўзбекистон - АҚШ учрашувига келади.