15 янв 13:55
Янгиликлар

Теннис

Australian Open. Винус Уильямс иродали ғалабага эришди

Мельбурн шаҳрида теннис бўйича “Катта Дубулға” туркумига кирувчи Австралия Очиқ чемпионати давом этмоқда.

Дунёнинг 36-ракеткаси Винус Уильямс мусобақани қийин ғалаба билан бошлади. Америкалик теннисчи руминиялик Михаэла Бузарнескуга қарши кечган баҳсда иродали ғалабага эришди.

Винус 2 соату 29 дақиқа давом этган учрашувда рейтингнинг 26-поғонасидан жой олган рақибасини 6/7(3), 7/6(3), 6/2 ҳисобида таслим этди. Энди 38 ёшли Уильямс иккинчи босқичда франциялик Ализе Корнега қарши кортга чиқади.