01 авг 10:58
Янгиликлар

Теннис

Австралиялик Алекс Атлантада тенгсиз!

АҚШнинг Атланта шаҳрида ўтказилган ATP турнири австралиялик теннисчининг ғалабаси билан якунига етди.

Яшил қитъанинг 30 ёшли вакили Алекс Де Минаур бош соврин учун кечган финал учрашувида ATP рейтингида 43-ўринни эгаллаб турган америкалик Женсон Бруксбини 6/3, 6/3 ҳисобида таслим этди.

Бу теннисчиларнинг ўзаро ўтказган илк учршуви бўлиб, 92 дақиқа давомида Де Минаур 4 та, Бруксби эса 2 та эйс зарбасини ижро этган. Атлантадаги бир ҳафталик меҳнат Де Минаурга 250 рейтинг очкоси ҳамда 107,770 доллар мукофот пули келтирган. Бу австралияликнинг фаолиятидаги олтинчи соврин бўлди.