12 янв 12:40
Янгиликлар

Футбол

Автоювиш шаҳобчаси ходими "Женоа" ўйинчисини Ferrari'сини "расво қилди" + ФОТО

Автоювиш шаҳобчаси ходими "Женоа" дарвозабони Федерико Маркеттининг қимматбаҳо автомобилига зарар етказди.

Дарвозабон машинаси ювдириш учун Ferrari 812 Superfast'ни сервисда қолдирган. Ишчилардан бири эса машинани ҳайдашга қарор қилган, аммо у бошқарувни йўқотиб, бурилиш вақтида тўсиққа урилиб кетган. Автомобил эса жиддий шикастланган.

Маркетти жорий мавсум Италия чемпионати доирасидаги 2 та ўйинда майдонга тушди. "Женоа" 17-турдан сўнг 14 очко тўплаган ҳолда жадвалда 17-ўринда бормоқда.