15 июл 10:19
Янгиликлар

Бокс/ММА

Аввал Рамазон Темиров, энди эса Абу-Даби турнирининг co-main event жанги бекор қилинди

Теглар : UFC on ABC 9 Мовсар Евлоев Аарон Пико

Хабарингиз бор, 26 июль куни БАА пойтахти Абу-Даби шаҳрида навбатдаги UFC турнири бўлиб ўтади.

UFC on ABC 9 турнирининг co-main event, яъни муҳимлиги жиҳатидан иккинчи жанги бекор қилинди. Бунга росссиялик Мовсар Евлоевнинг соғлиғида юзага келган муаммо сабаб бўлди. Ярименгил вазн тоифаси вакили америкалик Аарон Пикога қарши октагонга чиқиши керак эди.

Маълумотларга кўра, ушбу жанг 17 август куни АҚШнинг Чикаго шаҳрида ўтказиладиган UFC 319 турнири кардига кўчирилади. Чикагодаги ушбу рақамланган UFC турнирида ҳамюртимиз Нурсултон Рўзибоев АҚШ вакили Брайан Баттлга қарши октагонга кўтарилади.

Маълумот учун, беш раунд этиб белгиланган Мовсар Евлоев - Аарон Пико жанги даъвогарлик мақомида эди. Ғолиб жангчи дивизионнинг амалдаги чемпиони, австралиялик Александр Волкановскининг камари учун мажбурий даъвогарга айланади.