Аёллар футзали. Осиё Кубоги саралашида Австралия билан бир гуруҳдан ўрин олдик

Футзал бўйича аёллар Осиё кубоги саралаш баҳслари учун қуръа ташлаш маросими якунига етди. Куала Лумпурдаги ОФК қароргоҳида ташкиллаштирилган маросим Тошкент вақти билан соат 12:00да старт олганди.

Қуръа натижаларига кўра, Ўзбекистон терма жамоаси "С" гуруҳида Туркманистон, Австралия, Филиппин ва Қувайтга қарши тўп тепади. 

Эслатиб ўтамиз, 4 та гуруҳда дастлабки икки ўринни эгаллаган жамолар (8 та) Осиё кубогига йўлланмани қўлга киритади. Яна бир йўлланма гуруҳларда 3-ўринни олганлар орасида энг яхши кўрсаткичга эга бўлган термага насиб этади. 

Хабарингиз бор, Осиё кубоги финал босқичида 12 та жамоа иштирок этади. Саралашдан чиққан 9 та жамоага мезбон Хитой, амалдаги Осиё чемпиони Эрон ва амалдаги Осиё вице-чемпиони Япония қўшилади.