Аёллар кураши жамоамиз Тошкентда йиғин ўтказяпти ФОТОРЕПОРТАЖ

Қизларимиз режа бўйича май ойида ўтказилиши кутилаётган Токио Олимпиадасининг лицензион турнирига тайёргарлик кўришяпти. Аслида ушбу мусобақа аввалига Хитойда, кейин эса Қирғизистоннинг Бишкек шаҳрида ўтказилиши керак эди. Лекин коронавирус сабаб ҳар иккала турнир ҳам бекор қилинди. 

Олимпиаданинг лицензион турнири аёллар терма жамоамиз учун жуда ҳам муҳим ҳисобланади. Боиси, ҳозиргача қизларимизга тўрт йилликнинг энг нуфузли мусобақасида иштирок этиш насиб қилмаган. Жамоамиз аъзолари ушбу нохуш анъанани бузиш мақсадида машғулотларга зўр беришган.