Бадиий гимнастика бўйича “Ёшлар кубоги” халқаро турнири ўтказилди

Жисмоний тарбия ва спорт вазирлиги, Ўзбекистон ёшлар иттифоқи Марказий Кенгаши, Ёшлар иттифоқи спорт маркази ҳамкорлигида ташкил этилган турнирда Россия, Хитой, Ҳиндистон, Исроил, Украина, Бирлашган Араб Амирликлари, Қирғизистон, Тожикистон давлатларидан, шунингдек республикамиз барча ҳудудларидан ташриф буюрган жами 250 нафар ёш гимнастикачи иштирок этди.

Мазкур мусобақа бадиий гимнастикани тарғиб қилиш, хорижий мамлакатлар клублари билан дўстлик алоқаларини мустаҳкамлаш, мазкур спорт турини тарғиб қилиш ва ёшларни спортга жалб этиш, тренерлар ва спортчилар ўртасида тажриба алмашишни йўлга қўйиш мақсадида ташкил этилди. Бу каби турнирлар ёш гимнастикачилар маҳорати, машғулотлар сифатини оширишга хизмат қилади. Мусобақалардан кейин бир ҳафта мобайнида россиялик тренерлар ва гимнастикачилар иштирокида маҳорат сабоқлари ўтказилади.