24 фев 23:04
Янгиликлар
Бокс/ММА
Баҳодир Жалолов Болгарияда жанг қилди
Болгария пойтахти София шаҳрида анъанавий "Странжа" халқаро турнири ўтказилмоқда.
Мусобақада Ўзбекистон терма жамоаси вакиллари асосий таркиб боксчилари билан иштирок этмоқда. Бугун ушбу мусобақа доирасида беш нафар боксчимиз жанг қилиши ҳақида аввалроқ хабар қилгандик.
Бироз аввал супероғир вазнли боксчимиз Баҳодир Жалолов турнирдаги илк жангини ўтказди. Ушбу баҳсда ҳамюртимизга келиб чиқиши озарбайжонлик, Франция шарафини ҳимоя қилувчи Моурад Алиев рақиблик қилди.
Жанг тўлиқ давом этди ва унда Баҳодир Жалолов яққол устунлик билан 5:0 ҳисобида ғалаба қозонди.
Жалолов ушбу ғалаба орқали мусобақа ярим финалига йўл олди.
Ҳавола :
Манба : olamsport.com
Фикрлар