Баҳодир Жалолов ТОП-10 жангчиларига қарши рингга кўтарилишга тайёрлигини айтди

"Ишонаманки, ТОП-10даги ҳар қандай рақибга қарши жанг қила оламан ва уларни мағлубиятга учратаман. Шунчаки барчанинг ўз вақти бор. Менинг вақтим ҳали келмади. Шошилаётганим йўқ. Жамоам режаларига қараб иш қиламан. 28 ёшдаман. Ҳали ўз "пик"имга чиқмадим. Ўша вақт келганда мен ўзимдан талаб қилинадиган барча ишни қиламан.

Тўғрисини айтсам, айни пайтда ўз салоҳиятимнинг чегарасини кўрмаяпман. Мен энди бошламоқдаман. Мен проф бокс билан энди танишдим ва ўз мураббийларим билан ишлаб кўп нарса ўрганмоқдаман. Биз шунчаки 12 раундлик жанглар бакини яратишни бошлаяпмиз. Тўғрисини айтсам, "лимитим" қанчалигини билмайман. Аммо ривожланишга ва бундан ҳам кучайишга ваъда бераман", - деди Жалолов.