Баҳодир Жалоловнинг проф боксдаги навбатдаги рақиби, жанг санаси ва манзили бўйича хабарлар тарқалди

Жалолов 2025 йил, 6 февраль куни Канаданинг Монреаль шаҳрида ташкил этиладиган бокс оқшоми доирасида рингга қайтади.

Унга ўша куни франциялик Девид Спильмонт рақиблик қилиши айтилмоқда. Бу ҳақда инсайдер Жалол Аҳмедов ўз телеграм каналида хабар берди.

Маълумот ўрнида, Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Сўнгги жангини 2023 йил 17 ноябрь куни ЖАР вакили Крис Томпсонга қарши ўтказиб, илк раунддаёқ нокаут орқали зафар қучганди. 30 ёшли чарм-қўлқоп устаси ҳаваскор боксда икки карра Олимпия ўйинлари ғолиби ҳисобланади.

Унинг бўлажак рақиби Девид Спильмонт эса шу кунгача 27 та жанг ўтказиб, 16 та ғалаба, 8 та мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.