Баҳрайн супер бокс кечасига мезбонлик қилиши мумкин

Бу ҳақида Top Rank раҳбари Боб Арум маълум қилди.

“Мэнни Пакьяо ва Теренс Кроуфорд бу йил ўзаро жанг қилишга улгуришади. Баҳрайн ҳукумати бу жангга мезбонлик қилишга жиддий бел боғлаган. Ҳозирча нима бўлиши аниқ эмас, лекин Баҳрайнда жанг ўтказиш учун яхши имкониятимиз бор”, - деди Арум.

Маълумот учун, Мэнни профессионал фаолияти давомида 71 та жангда иштирок этиб, 62 тасида ғалаба қозонган, 7 та жангда имкониятни бой берган ва иккита жанги дуранг натижа қайд этган. 32 ёшли Теренс эса фаолияти давомида 36 та баҳсда иштирок этиб, барча рақибларини мағлуб этишни уддалаган.