29 фев 07:22
Янгиликлар

Бокс/ММА

Баҳромжон Машраповнинг LFA лигасидаги навбатдаги рақиби ва жанг санаси маълум. Рақиб ўзбеклар учун "эски таниш" + ПОСТЕР

Тошкент вақти билан 9 март тонгида АҚШнинг Калифорния штати, Санта Круз шаҳридаги "Кайзер Перменанте" аренасида MMA бўйича LFA 178 турнири ўтказилади.

Оқшом доирасида ўзбекистонлик ММА жангчиси Баҳромжон Машрапов (7-3-0) ҳам октагонга чиқадиган бўлди. Унга ўша куни бразилиялик аралаш яккакураш устаси Диего Бьянкини (8-1-0) рақиблик қилади.

Аслида Бьянкини 24 февраль куни LFA 177 турнири доирасида бошқа бир ўзбекистонлик - Мирафзал Ахтамов билан жанг қилиши керак эди, аммо жанг ҳамюртимизнинг бетоб бўлиб қолиши оқибатида бекор қилинган эди.

Эслатиб ўтамиз, Баҳромжон Машрапов сўнгги жангини 2023 йилнинг сентябрь ойида ташкил этилган LFA 167 турнири доирасида россиялик Шамидхан Магомедовга қарши ўтказиб, очколар ҳисобига кўра мағлуб бўлганди.