19 фев 13:25
Янгиликлар

Спорт курашлари

Баҳромов Осиё чемпионатининг 1/2 финалида, Ҳусейновда мағлубият

Ҳиндистоннинг Нью-Дели шаҳри мезбонлик қилаётган спорт курашлари бўйича катталар ўртасидаги Осиё чемпионатининг иккинчи кунги беллашувлари давом этмоқда.

Хабар берганимиздек, бугун қитъа чемпионатида юнон-рим кураши бўйича 5та вазн тоифасида беллашувлар ўтказилмоқда. Ҳамюртларимиздан биринчи бўлиб Исломжон Баҳромов (-60 кг) 1/2 финал йўлланмасини қўлга киритди. Баҳромов тожикистонлик Фируз Мирзоражабовни 9:0 ҳисобида енгди. Энди у ярим финалда япониялик Кеничиро Фумитага қарши гиламга чиқади.

-82 кг вазн тоифасида юртимиз шарафини ҳимоя қилаётган Жалгасбай Бердимуратов илк босқичда қирғизистонлик Саматбек Чоноралиевдан 5:1 ҳисобида устун келди. Бироздан сўнг у кореялик Чой Жун Кёнг билан ҳисоб-китоб қилади. Алижон Хусейнов (-72 кг) ҳиндистонлик Адития Кундуга 2:8 ҳисобида ютқазиб қўйди.