Балотелли Италия футболидаги муаммоларнинг сабабларини айтди

"Муаммолар жуда оддий. Мен техник эмас, амалий тушунтиришлар беришни афзал кўраман. Болалигимизда соатлаб футбол ўйнардик. Эсимда, тўп кўринмай қоладиган даражада қоронғи тушгунча кўчада қолганим учун онам мени уришарди.

Бугун Брешиа каби шаҳарларда сайр қилар эканман, боғлардаги футбол майдончалари бўш ётганини кўраман. У ерда ҳеч ким йўқ. Компьютерлар, телефонлар ва PlayStation жуда кўп нарсани барбод қилди. Аммо энг асосийси — ота-оналарнинг муносабати ўзгарди. Бугун етти ёшли бола уч кунда бир марта икки соат футбол ўйнаши мумкин. Иқтидорлар эса кўчаларда ва боғларда туғилади. Биз кўп ўйнардик, кўп ўрганардик ва ўзимиздан каттароқ болалар билан беллашардик… Бугун эса болалар телефонда ўтиришади. Улар Роналдиньо видеоларини томоша қилиб, ўзларини унга ўхшатишади, мен эса ҳовлида ўша финтларни қайтара олганим учун ўзимни Роналдо деб ҳисоблардим. Бу бутунлай бошқа нарса", — дейди Балотеллининг сўзларини The Guardian.

Балотелли январь ойидан бери БААнинг "Аль-Иттифак" клубида тўп сурмоқда. Аввалроқ у "Дженоа", "Монца", "Брешиа", "Марсель", "Ницца", "Ливерпуль", "Манчестер Сити", "Милан" ва "Интер" клубларида ўйнаган.