25 апр 10:28
Янгиликлар

Теннис

Barcelona Open. Карлос Алькараз cовринни бегона қилмади

Испаниянинг Барселона шаҳрида ўтказилган нуфузли ATP турнири якунига етди.

Ҳал қилувчи финал учрашувида икки испаниялик теннисчилар бош совринни кўзлаб кортга чиқишди. Дунёнинг 11-ракеткаси бўлиб турган Карлос Алькараз рейтингда ўзида 8 поғона қуйида бораётган ватандоши Пабло Карреньо-Буста 6/3, 6/2 ҳисобида мағлуб этди.

Бу ҳамюртларнинг ўзаро ўтказган илк учрашуви эди. Barcelona Open Banc Sabadell турниридаги муваффақиятли иштирок Алькаразга 500 рейтинг очкоси ва 467,150 евро келтирди. Карреньо-Буста эса бир ҳафталик меҳнати учун 300 балл ҳамда €249,140 ишглаб олди.