«Баркамол авлод-2021»: бугун республика финал босқичининг илк мусобақаси старт олади

Бугун, 3 декабрь куни Қорақалпоғистон пойтахти Нукус шаҳрида республика финал босқичи старт олади. «Баркамол авлод-2021» спорт мусобақаларининг республика финал босқичининг дастлабки мусобақасида академик лицей ва профессионал таълим муассасалари ўқувчи-ёшлари дзюдо бўйича энг кучли эканликларини исботлаш учун курашга киришади.

1-2 декабрь кунлари мамлакатимизнинг 14 та ҳудудидан ҳудудий босқичларда ўзини кўрсатиб, республика босқичига йўл олган спортчилар Нукусда жам бўлишди.

Бугундан мусобақалардаги иштирокини бошлайдиган иштирокчилар 3 кун давомида турли вазнларда ғолиб ва совриндорлик учун баҳслашади.

Эслатиб ўтамиз, «Баркамол авлод-2021» дастуридан ўрин олган кейинги спорт тури енгил атлетика бўйича республика финал босқичи 10-14 декабрь кунлари Жиззах вилоятида бўлиб ўтиши белгиланган.