Баркамол авлод-2022. Финал босқичидан ўрин олган сўнгги мусобақа старт олди

Марғилон шаҳрида ўтказилаётган мусобақада республикамизнинг 14 та ҳудудидан келган академик лицей ва профессионал таълим муассасалари ўқувчи-ёшлари иштирок этмоқда. 2 кун давом этадиган турнирда стол тенниси бўйича энг кучлилар аниқлаб олинади.

Бугун 100 нафардан ортиқ ёшларни бирлаштирган "Баркамол авлод-2022" беллашувларида ўғил болалар ва қизлар баҳсларга киришишди.

Эртага ўз якунига етадиган турнирда ғолиб ва совриндорлар аниқланиб, ташкилотчилар томонидан қимматбаҳо совғалар билан тақдирланишади.