“Баркамол авлод-2021”: футбол бўйича ҳудудий босқич мусобақалари старт олмоқда

Ушбу босқичда академик лицей ва профессионал таълим муассасалари ўқувчи-ёшлари яшил майдонда бор маҳоратларини намойиш этган ҳолда Республика босқичига йўлланма олиш учун курашишади.

Жорий йилнинг 30 ноябрига қадар давом этадиган футбол мусобақаларига 1-ҳудуд учун Тошкент шаҳри, 2-ҳудуд учун Хоразм вилояти, 3-ҳудуд учун Қашқадарё вилояти ва 4-ҳудуд учун Фарғона вилояти мезбонлик қилади.

Маълумот учун, “Баркамол авлод” спорт мусобақалари дастуридан ўрин олган спортнинг 4 та ўйин (жамоавий) туридан волейбол, баскетбол, гандбол, футбол бўйича ҳудудий босқич ғолиблари, 4 (тўрт)та ҳудудда бўлиб ўтадиган саралаш босқичида иштирок этади. Ҳудудий саралаш мусобақаларида ҳар бир спорт туридан ҳар бир ҳудуддан фақат 1 (бир) жамоа иштирок этишига рухсат этилади. Қолган спорт турлари бўйича ҳудудий спорт мусобақалари ғолиблари тўғридан-тўғри республика финал босқичида иштирок этади.