12 мар 21:01
Янгиликлар
Футбол
«Баркамол авлод-2022». Жиззахлик футболчилар финал босқичи чемпионига айланишди
Уч кун давомида Қашқадарё вилояти мезбонлик қилган «Баркамол авлод-2022» спорт ўйинлари финал босқичидан ўрин олган футбол мусобақаси ўз якунига етди.
Қарши шаҳридаги стадионларда республикамиздаги академик лицей ва профессионал таълим муассасалари ўқувчи-ёшлари футбол бўйича энг кучли ҳудуд номига аниқлик киритиш мақсадида тўп суришди.
Мусобақа якунига кўра, Жиззах вилояти терма жамоаси футболчи-ёшлари республикада тенгсиз эканликларини намойиш этишди ва мусобақанинг олтин медалларига эга чиқишди.
Фақатгина Жиззах вилоятига қарши баҳсда имкониятни бой бериб қўйган сурхондарёлик футболчиларга мусобақанинг иккинчи поғонасидан жой олиш насиб этган бўлса, 3-ўрин билан Хоразм вилояти терма жамоаси тақдирланди.
Ғолиб ва совриндорларга мусобақа ташкилий қўмитаси томонидан қимматбаҳо эсдалик совғалари ҳам топширилди.
Ҳавола :
Фикрлар