"Барселона" футболчилар учун йиллик маошларни 162 млн еврога камайтирди

Эндиликда футболчилар учун йилига кетадиган пуллар миқдори 404 709 155 еврони ташкил қилади. Ўтган мавсумда бу сумма 566 460 767 евро эди.

Сумманинг иқтисод қилиниши сабаб сифатида Антуан Гризманн, Жерар Пике, Франсишку Тринкау, Жорди Альба, Нико Гонсалес, Франк Кессиэ, Усмон Дембеле, Сержиньо Дест, Клеман Лангле, Ансу Фати, Эрик Гарсия ва Абде Эззальзули каби футболчиларнинг жамоадан кетгани келтирилди.

Мавсумлар оралиғида "Барселона" таркибига 5 футболчи келиб қўшилди - Ориоль Ромеу, Илкай Гюндоган, Жоау Феликс, Жоау Канселу ва Иньиго Мартинес. Уларнинг йиллик маоши 50 562 711 еврони ташкил қилади.