"Барселона" собиқ футболчиси бутсаларини михга илди

"Бугун ҳаётимнинг бир қисми билан хайрлашиш вақти келди. Шунча йиллар, шунча ўйинлар, турли кийиниш хоналари, чексиз қувончлар ва оғир дамлардан сўнг профессионал футболчилик фаолиятимни якунлаш палласи етди.

Футбол менга ҳамма нарсани берди. У бир вақтлар имконсиз бўлиб туюлган орзуларимни рўёбга чиқаришга, умрим давомида ёдда сақлайдиган инсонлар билан танишишга ҳамда хотирамда бир умрга муҳрланиб қоладиган лаҳзаларни бошдан кечиришга имкон яратди. Мен учун барча нарсани англатувчи либосларни кийиш, бу йўлни жамоадошларим, мураббийлар, клуб ходимлари, дўстларим ва энг аввало, оилам билан бўлишиш бахтига муяссар бўлдим.

Қачондир менга мухлислик қилган, қўллаб-қувватлаган, танқид қилган ёки шунчаки ёнимда бўлган барчага раҳмат. Чин қалбимдан ташаккур айтаман. Мен ушбу спорт турига бор кучимни берганимдан қаноат ҳосил қилган ҳолда, босиб ўтган йўлимдан чексиз фахр туйғуси билан кетмоқдаман.

Бугун профессионал футболчилик фаолиятим ниҳоясига етмоқда, аммо футбол менга ўргатган барча нарса то абад мен билан қолади. Раҳмат сенга, футбол", – деб ёзди спортчи ижтимоий тармоқлардаги саҳифасида.

"Барселона" ва "Фиорентина"дан ташқари испаниялик футболчи фаолияти давомида "Порту", "Бетис", "Лос-Анжелес", Саудия Арабистонининг "Ал Фотиҳ" ва "Ал Уруба", шунингдек, БААнинг "Палм Сити" жамоаларида тўп тепган. "Барселона" таркибида Тельо Испания чемпиони ва мамлакат Кубоги соҳиби бўлган, "Бетис" билан эса Испания Кубогини қўлга киритган.

Шунингдек, Тельо Испания миллий терма жамоаси сафида 1 та ўйин ўтказган.