"Барселона"нинг икки футболчиси маошининг камайишига рози бўлди

Клуб президенти Жоан Лапорта футболчиларга агарда маошининг пасайишига рози бўлмаса, январь ойида молиявий фейр-плей сабабли янги футболчиларни трансфер қила олмаслигини тушунтира олган. Ундан ташқари, янгиларни олиб келиш учун "Барселона" бир қанча футболчиларини сотиб юборишига тўғри келади.

"Mundo Deportivo" нашрининг ёзишича, 2020 йили шартномасини узайтирган Марк-Андре тер Штеген ҳамда Френки де Йонг билан "Барселона" раҳбарияти маошини пасайтириш борасида музокаралар олиб борилган ва томонларнинг фикри бир томондан чиққан. 

Айни дамда "Барселона" Мемфис Депайнинг кетиши борасида ишларни олиб бормоқда. Аммо Мемфис шартномани икки томонлама бекор қилдириб, эркин агент сифатида жамоадан кетишни истаяпти, "Барселона" эса футболчининг кетишидан бир қанча маблағ ишлаб олмоқчи.