12 май 18:10
Янгиликлар

"Бавария"нинг янги бош мураббийи ким бўлиши деярли аниқ. Жамоа олдин у билан ЕЧЛни ютган

"Бавария" жамоа бош мураббийлигига Ханс-Дитер Фликни қайтаришга яқин.

Журналист Николо Скиранинг маълумотига кўра, "Бавария" Фликка 2026 йилга қадар мўлжалланган меҳнат шартномаси таклиф қилган.

Эслатиб ўтамиз, 59 ёшли мутахассис 2019-2021 йилларда "Бавария"да бош мураббий сифатида ишлаган. Немис гранди унинг қўл остида Чемпионлар лигаси, Европа Суперкубоги, Германия кубоги ва икки бор Германия чемпионатини ютган.

Фликнинг сўнгги иш жойи у 2021-2023 йилларда ишлаган Германия терма жамоаси бўлганди.

Эслатиб ўтамиз, "Бавария"нинг ҳозирги бош мураббийи Томас Тухель мавсум сўнггида Мюнхен клубини тарк этади.