14 май 08:32
Янгиликлар

Эшкак эшиш

Байдарка ва каноэчиларимиз Туябўғизда тайёргарликни давом эттиришмоқда

Байдарка ва каноэда эшкак эшиш бўйича Ўзбекистон терма жамоаси Туябўғиз сув омборида навбатдаги ўқув-машғулот йиғинини олиб бормоқда.

19 майга қадар ўтказилиши кўзда тутилган ушбу йиғин лицензиат атлетларимизга Париж-2024 ёзги Олимпия ўйинларига тайёргарлик вазифасини бажариб беради. Машғулотларни венгриялик мутахассис Наташа Доучев-Янич олиб бормоқда.

Эслатиб ўтамиз, терма жамоамиз аъзоларидан каноэ баҳсларида Нилуфар Зокирова, байдаркада Екатерина Шубина ҳамда Шахриёр Маҳкамов 4 йилликнинг энг нуфузли мусобақасида иштирок этиш ҳуқуқини қўлга киритган эди.