Байдарка ва каноэда эшкак эшиш бўйича Ўзбекистон чемпионати бошланди

Мусобақада Қорақалпоғистон Республикаси, Тошкент шаҳри ва вилоятлардан ташриф буюрган спортчилар иштирок этишмоқда.

Эркаклар ўртасидаги беллашувларда К-1, К-2, С-1, С-2 қайиқларда 1000, 200, 500 метр масофаларга, К-4, С-4 қайиқларда эса 1000, 200 метр масофаларга куч синашадилар. Аёл спортчилар эса С-1, С-2 қайиқларда 200, 500, метр масофага кураш олиб борадилар.

Шунингдек, чемпионат доирасида параканоэ бўйича ҳам баҳслар бўлиб ўтади. Мусобақа 22 июнь куни ўз ниҳоясига етади.