09 мар 13:16
Янгиликлар

Шахмат

Байрамга бағишланган халқаро турнирдан ФОТОГАЛЕРЕЯ

Пойтахтимиздаги шахматга ихтисослаштирилган республика болалар ва ўсмирлар спорт мактабида 8 март - Халқаро хотин-қизлар байрамига бағишланган халқаро турнир бўлиб ўтмоқда.

Нодира Нодиржонова, Нилуфар Ёқуббоева, Баҳора Абдусатторова, Ирина Геворкян, Севара Боймуратова, Умида Омонова каби иқтидорли шахматчиларимиз Беларусь, Украина ва россиялик шахматчиларга қарши дона сурмоқдалар.

Ҳозирча 5 имкониятдан 4 очко жамғарган беларуслик Валерий Казаковский пешқадам бўлиб турибди. Кейинги ўринни ҳамюртимиз Ирина Геворкян банд этган. Ирина ҳисобида 3,5 очко бор.

Тўрт нафар шахматчи 2,5 тадан очко тўплаган - Антон Ситников (Украина), Аркадий Вул (Россия), Умида Омонова (Ўзбекистон), Севара Боймуратова (Ўзбекистон).

Халқаро турнир ғолиб ва совриндорлари номи 10 март куни маълум бўлади.