02 янв 16:35
Янгиликлар

Бокс/ММА

Бектемир Мелиқўзиевнинг чемпионлик жанги бўйича музокара олиб борилмоқда

Аввалроқ, проф бокснинг иккинчи ўрта вазн тоифасида ўзбекистонлик чарм қўлқоп устаси WBA йўналишида чемпионлик камари учун мажбурий даъвогарга айлангани ҳақида хабар бергандик.

Ушбу дивизионда WBA камари мексикалик 26 ёшли Хосе Армандо Ресендисга тегишли бўлиб турибди. Теренс Кроуфорд фаолиятини якунлагач, айнан Ресендис WBA чемпионлик камарининг тўлақонли эгасига айланди.

Инсайдер Жалол Аҳмедовнинг маълум қилишича, ҳозирда икки жамоа ўртасида музокаралар олиб борилмоқда. Келишувга эришилмаган тақдирда, WBA чемпионлик жанги учун кимошди савдосини ташкил этади.

Айни пайтда Мелиқўзиев Калифорния штатининг Индио шаҳрида мексикалик Жоэль Диас қўл остида машғулотларини давом эттирмоқда. 29 ёшли Бектемир сўнгги жангини 2025 йилнинг май ойида Дариус Фулгхэмга қарши ўтказиб, очколар ҳисобига кўра ғалаба қозонганди.