Бекзод Абдураҳмонов ёки Разамбек Жамаловга асосий рақиб бўлиши мумкин бўлган Заурбек Сидаков Олимпиадага бормайди!

Бу ҳақда тожикистонлик UFC жангчиси Муҳаммад Наимов хабар берди. Сидаков ММАга ўтишга яқин. Унинг асосий мақсади - UFC! 

"Сидаков менга Олимпиадада иштирок этмаслигини айтди. Бунга кўп бўлмади. На ўзи ва на Найфонов Парижга боради. Бу қайғули хабар. Биз телефонда гаплашдик. У жуда оғир жароҳатни бошдан кечирди.

UFC'га ўтиш ҳақида ҳам тез-тез гаплашяпмиз. У менга Олимпиададан кейин албатта ММАга ўтишини айтди. Менимча, у трансфер қилади. У UFC'да жанг қилмоқчи. Унинг учун мотивация - UFC! Мен ҳатто Али Абдел-Азиз билан у ҳақида гаплашдим. Ҳатто Генри Сехудо унга шундай деб ёзган эди: "Агар ўтсангиз, менга хабар беринг. Мен ёрдам бериш учун бораман", деди Наимов.

Маълумот учун, Ўзбекистон спорт курашлари федерацияси ҳам эркин кураш бўйича 74 кг вазн тоифасида лицензияга эга чиққан. Аммо бу вазн тоифасида юртимиз шарафини айнан ким ҳимоя қилиши ҳозирча расман эълон қилинмади. Бу Разамбек Жамалов ёки Токио Олимпиадаси совриндори Бекзод Абдураҳмонов бўлиши мумкин.