Бел олиш ва уч кураш бўйича Ўзбекистон чемпионатида кучлилар аниқланди + ФОТО

Ўзбекистон Республикаси Жисмоний тарбия ва спорт вазирлиги ҳамда Ўзбекистон Бел олиш ва уч кураш ассоциациясининг йиллик-тақвим режасидаги мазкур мамлакат чемпионатида Қорақалпоғистон Республикаси, Тошкент шаҳри ва барча вилоятлардан 600 нафарга яқин  ёш полвонлар ғолиблик учун кураш тушишди.

Мусобақа регламентига мувофиқ, дастлаб 2005-2006 ҳамда 2007-2008 йилларда туғилган ўсмирлар ва қизлар Ширин шаҳридаги БЎСМда бел олишнинг халқа-чалиш, халқа-чалишсиз йўналишларида белгиланган вазн тоифларига кўра куч синашишди.

Бел олиш бўйича беллашувлар якунига етгач Гулистон туманидаги БЎСМда уч кураш бўйича “белбоғли”, “белбоғсиз” йўналишларида ҳам ғолиблар номи аниқланди.

Муросасиз ўтган мазкур йўналишлардаги мусобақаларда Бехруз Бахтиёров (Навоий), Азизилло Алиев (Андижон), Фахриддин Эшқуватов (Сурхондарё), Аббосхон Тилаволдиев (Фарғона), Нурбек Омонов (Сирдарё), Ойбек Абдуқаюмов (Тошкент в.), Акмал Матяқубов (Хоразм), Абдулазиз Жўраев (Тошкент ш.), Дилнура Рустамова (Сурхондарё), Гулинур Нишонова (Андижон) каби истеъдодли ўғил-қизлар ўз вазн тоифаларига кўра чемпионликни қўлга киритиб, шоҳсупадан жой олишга муваффақ бўлишди.

Ўзбекистон чемпионати мусобақаси якунига етгач, ғолиб ва совриндорлар диплом, медаль ва эсдалик совғалари билан мукофотланишди.