27 ноя 10:15
Янгиликлар

Бокс/ММА

Bellator президенти ММА тарихидаги энг яхши жангчи-аёл кимлигини айтди

Bellator промоушени раҳбари Скотт Кокер аралаш яккакураш оламидаги энг яхши аёл жангчи ким деган саволга жавоб берди.

Унинг айтишича, Bellator чемпиони, собиқ Invicta FC, Strikeforce ва UFC промоушенлари чемпиони Крис Сайборг ММА тарихидаги энг кучли аёл жангчи экан.

"Тан олиш керак, Сайборг — ММА тарихидаги энг кучли аёл-жангчи. У 13 йил давомида мағлубият нималигини билмаган. Ким яна шундай натижага эришган? Унинг фаолиятидаги ягона мағлубияти ММА тарихидаги энг кучли, энг яхши жангчи бўлиши учун тўсқинлик қила олмайди. Крис ҳалигача юқори темпда жанг намойиш этиб келмоқда. Рақибаларини деярли сезмаяпти.

Сайборг — Майк Тайсоннинг эркак кўриниши. Крис ўша ягона мағлубияти учун реванш олиш ҳуқуқига эга. Агар UFC промоушени Крис Сайборг - Аманда Нуньес реванш жангига қизиқиш билдирса, биз бу супер тўқнашувни амалга оширамиз", — деди Кокер.