"Бенфика" собиқ устози ўзига Туркиядан иш топди

Инсайдер Николо Скиранинг айтишича, португалиялик мураббий Жорже Жезуш Истанбулнинг "Фенербахче" клубини бошқаради. Томонлар аллақачон учрашиб, дастлабки музокаралар олиб боришган ва улар муваффақиятли тугаган.

Эслатиб ўтамиз, Жезуш 2020 йилнинг ёзида "Бенфика" бошқарувини қўлга олган эди. 2021/2022 йилги мавсумнинг энг юқори чўққисида жамоадан четлатилган вақтда "бургутлар" 15 та учрашувдан сўнг 37 очко жамғарган ва Португалия чемпионати турнир жадвалида 3-ўринни эгаллаб турганди. Ўша пайтдаги мусобақа пешқадами 15 та учрашувда 41 очко жамғарган "Порту" эди.

Жезуш ва "Бенфика" ўртасидаги шартнома томонларнинг ўзаро келишувига кўра бекор қилинди. Клубдагилар мураббий янги жамоа топмагунча битим мажбуриятларини бажаришда давом этишини таъкидлашди.